Ushbu maqola Vazirlar Mahkamasining 2021-yil 12-oktabrdagi 638-son qarori bo‘yicha turkumning 5-qismi.
Ushbu maqola Vazirlar Mahkamasining 2021-yil 12-oktabrdagi 638-son qarori bo‘yicha turkumning 5-qismi. Qarorning umumiy sharhi va to‘liq matnini yuklab olish — umumiy maqolada.
Qarorga 5-ilova alohida ta’lim ehtiyojlari bo‘lgan bolalarni aniqlab, ularni ixtisoslashtirilgan maktablarga yoki inklyuziv sinflarga yo‘llaydigan psixologik-tibbiy-pedagogik komissiyalar faoliyatini tartibga soladi.
Komissiyaning maqsadi va vazifalari
Maqsad — 6 yoshdan 18 yoshgacha bo‘lgan alohida ehtiyojli bolalarni aniqlash va ularni ixtisoslashtirilgan muassasalarga (6 yoshlilarni tayyorlov guruhlariga) yuborish uchun xulosa berish.
- bolani ota-ona ishtirokida kompleks ko‘rikdan o‘tkazish;
- shifoxona tashxisining ishonchliligini o‘rganish;
- ixtisoslashtirilgan muassasaga yoki inklyuziv sinfga yuborish, bir muassasadan boshqasiga o‘tkazish bo‘yicha xulosa va yo‘llanma berish;
- pedagog, psixolog, tibbiyot xodimlari va ota-onalarga maslahat berish.
Tarkibi va ish tartibi
| Kim tuzadi | hududiy xalq ta’limi va sog‘liqni saqlash boshqarmalari qo‘shma qarori bilan, har yili 20-maygacha |
| A’zolar soni | toq sonda, kamida 7 nafar |
| A’zolarga talab | oliy ma’lumot va 5 yillik staj: psixolog, defektologlar, psixonevrolog, nevropatolog, ortoped, LOR, okulist, pediatr |
| Rotatsiya | a’zo keyingi 2 yil komissiyaga kiritilmaydi (rais, o‘rinbosar va kotibdan tashqari) |
| Rais | hududiy xalq ta’limi boshqarmasi boshlig‘i yoki o‘rinbosari |
| Yig‘ilishlar | iyun–oktyabrda haftasiga kamida 1 marta, keyin oyiga kamida 1 marta |
| Bayonnoma ota-onaga | 5 kun ichida beriladi |
Qanday hujjatlar topshiriladi
- ariza va tug‘ilganlik guvohnomasi nusxasi;
- ta’lim olganlik hujjatlari, o‘qish joyidan ma’lumotnoma va tavsifnoma;
- shifoxona bosh vrachi imzolagan rivojlanish tarixidan ko‘chirma: pediatr, psixonevrolog, LOR (audiogramma), oftalmolog va ortoped xulosalari.