Oliy Majlis Qonunchilik palatasining majlisida maktabgacha ta’lim va maktab ta’limi tizimlarini o‘zaro integratsiya qilishga qaratilgan qonun loyihasi birinchi…
Oliy Majlis Qonunchilik palatasining majlisida maktabgacha ta’lim va maktab ta’limi tizimlarini o‘zaro integratsiya qilishga qaratilgan qonun loyihasi birinchi o‘qishda muhokama qilindi. Deputatlar hujjatni birinchi o‘qishda qabul qildi.
Loyihaning asosiy mazmuni
Hujjatga ko‘ra, bolalarni maktabga bir yil tayyorlash majburiy umumiy o‘rta ta’limning dastlabki bosqichi sifatida belgilanadi. Bu bilan mamlakat ta’lim tizimini xalqaro standartlarga yaqinlashtirish ko‘zda tutilgan.
Qaysi qonunlarga o‘zgartirish kiritiladi
Qonun loyihasi ikki amaldagi qonunga o‘zgartish va qo‘shimchalar kiritishni nazarda tutadi:
- “Maktabgacha ta’lim va tarbiya to‘g‘risida”gi Qonun;
- “Ta’lim to‘g‘risida”gi Qonun.
O‘zgartishlarga ko‘ra:
- maktabga bir yillik majburiy tayyorlov umumiy o‘rta ta’lim tizimiga kiritiladi;
- tayyorlov ham maktabgacha ta’lim tashkilotlarida, ham umumta’lim maktablarida tashkil etiladi;
- har bir bolaning ushbu tayyorlovdan o‘tish huquqi qonun bilan kafolatlanadi.
O‘zgarishlar nimaga xizmat qiladi
Loyiha mualliflari fikricha, yangi tartib quyidagilarga yordam beradi:
- bog‘cha va maktab o‘rtasidagi uzviylikni ta’minlash;
- bolalarni maktabga tayyorlash sifatini oshirish;
- bolalarning ta’lim olish huquqini kafolatlash;
- O‘zbekiston ta’lim tizimining xalqaro miqyosdagi mavqeini oshirish;
- fuqarolar xorijda o‘qishni davom ettirishi uchun qulay sharoit yaratish.
Ta’lim sohasidagi so‘nggi yangiliklarni muallimlar.uz saytida kuzatib boring.