Joriy yil 2-fevral kuni Radjabov Sardor Baxtiyorovich hamda Boqiyev Farxod Esanovich Maktabgacha va maktab ta'limi vaziri o'rinbosari lavozimiga tayinlandi.

Radjabov Sardor Baxtiyorovich tayinlovga qadar Maktabgacha va maktab ta'limi vazirligining, Taʼlim sifatini baholash, litsenziyalash va akkreditatsiyalash departamenti direktori lavozimida faoliyat yuritib kelayotgandi. Vazirlikdagi faoliyatini boshlashdan avval esa sobiq Davlat test markazi direktorining o'rinbosari lavozimida ishlagan.

Boqiyev Farxod Esanovich esa tayinlovga qadar Senatning Axborot siyosati va davlat organlarida ochiqlikni ta’minlash masalalari qo‘mitasi raisi o‘rinbosari lavozimida faoliyat yuritgan.

Undan avval esa AOKAning Sirdaryo viloyati boshqarmasi boshlig‘i sifatida faoliyat yuritgan, 2020-yilning 17-yanvarida Senat a’zoligiga saylangan edi.