Ўзингизни ёқимсиз вазифани бажаришга мажбурлаш учун 20 сония қоидаси иш беради! Ўзингизга бирон ишни 20 сония давомида бажаришингизни айтиб, ишга киришинг. Вақт ўтиши биланоқ ундан воз кечинг. Ўйин тарзида вазифани бажариб қўйганингизни билмай қоласиз.
Катта матнни қувонч билан ўқиш учун кўнглингиз тусаган егуликларни матн устига қўйиб олинг. Бу мевалар, қуритилган мевалар, ёнғоқлар, конфет ёки бирон бир ширинликлар бўлиши мумкин. Ширинлик турган жойгача ўқиб бўлиб, уни паққос туширасиз. Яна ўқишда давом этасиз.
Дарс жадвалини эслаб қолиш учун уни гаджетингизнинг экранига қўйиб олинг. Бу кундаликни олиб қарагандан кўра осон. Бу билан уни тезда эслаб қоласиз.
Мактаб папкасидан керакли дафтарни тезда топиш учун дафтар четига фан предметининг номини ёзиб қўйинг.