Bugungi kunda Rossiyadagi o‘qituvchilarning qariyb yarmi repetitorlik bilan shug‘ullanmoqda va ular topayotgan daromadlarining 50% ni aynan shu sohadan keladigan foyda tashkil etadi. Ta’lim berish shakli xoh onlayn yoki offlayn bo‘lishidan qat’iy nazar ikkalasiga ham odatiy holat sifatida qaraladi. Repetitorlikda yaxshi natijaga erishish uchun shunchaki tajriba va ta’lim olishga ehtiyoj sezadigan yoshlar muhitining o‘zi kifoya.

O‘qituvchilarning repetitorlikka o‘tayotganligining ikkita asosiy sababi bor:

1️⃣. Daromad tezda o‘sadi. Onlayn platformalar yoki mustaqil tarzda maktabdagida qaraganda ancha ko‘proq foyda ko‘rish mumkin. Hozirda Rossiya chekka viloyatlarida ham repetitorlik bilan shug‘ullanib, oyiga 100 ming rubl (qariyb 15 mln) bemalol topish mumkin. Buning uchun maktabdan ikki stavka ish va sinf rahbarlikni olish shart emas.  

2️⃣. Bu yo’nalishda sen hammani o‘qitishing shart emas – har bir o‘quvchi bilan alohida shug‘ullanasan. Agarda buni yaxshiroq qilsang, natijasi ham tezda ko‘rinadi.

Eng muhimi erkin holda birovga hisobot bermasdan va zaruriy rejalarni ham o’zingiz uchun faqat o’zingiz tuzasiz.