Биология ҳамда Физика фанларидан Халқаро фан олимпиадаларига саралашнинг 2-босқичида юқори натижа қайд этган жами 31 нафар ўқувчи билан 3-6 июнь кунлари тайёргалик машғулотлари ўтказилди.
Дарсларни тажрибали тренер-ўқитувчилар, Халқаро фан олимпиадалари совриндорлари олиб борди. Машғулотлар якунида нуфузли фан олимпиадаларида иштирок этувчи терма жамоа саралаб олинди.
Ўқув машғулотлари А.Авлоний илмий-тадқиқот институтида олиб борилди. Вилоятлардан келган ўқувчиларга ётоқхона ва 3 маҳал овқатланиш учун шароитлар яратилди.
Терма жамоа аъзолари ҳамда юқори натижа қайд этган қуйи синф ўқувчилари учун яқин кунларда хорижий тренерлар иштирокида дарс-машғулотлари ўтказилиши режалаштирилган.
Эслатиб ўтамиз, Халқаро Биология олимпиадаси (IBO) жорий йилнинг 18-23 июль кунлари Португалия давлатида, Халқаро физика олимпиадаси (IPhO) 17-25 июль кунлари Литва давлатида ўтказилади.